منتدى ثانوية بوقيرات
 
الرئيسيةاليوميةس .و .جبحـثالمجموعاتالتسجيلدخول
نحتاج مساعدتكم في الصعود بالمنتدى
mohamed_0455@hotmail.com للتواصل او لاي استفسار يرجى التواصل على البريد الالكتروني

شاطر | 
 

 قصة نوف ادخل واقرا فلن تندم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
an9g4el
عضو مميز
عضو مميز
avatar

عدد المساهمات : 76
نقاط : 138
السٌّمعَة : 10
تاريخ التسجيل : 01/04/2010
العمر : 23
الموقع : alkhoudr.com

مُساهمةموضوع: قصة نوف ادخل واقرا فلن تندم   الخميس أبريل 01, 2010 11:23 pm

نوف .. بنت في الجامعه .. جميله خلوقه ظريفه الكل ينعجب فيها



طبعاً اهي في جامعه الكويت ومختلطه شباب وبنات وعائلتها فري ..



اصحابها .. نوآف وعلي .. وحمد .. مثل اخوتها ودوم معاها ..



اول يوم لها في الجامعه ..



نوف كانت نايمه ..



ام نوف : نوووووووف تراج حدج متأخره على الجماعه نواف اجى لج يوصلج يلا يلا قومي



نوف: يااااااااااااااربي .. الحين بخلص بس طلعي وبجي ..



نوف بعجله وتتروش .. وتقلب في الحمام على ظهره وتصرخ ..



يسمع نوآف صرختها ويركض يروح لها ..



نواف: نووووووووووووووووووووووووووفه شفيج عسى ماشر وش صار لك



نوف بألم : نوافوه روح عني تراني قاعده اتألم



نوف اذا تألمت ماتحب احد يشوفها ..



خلصت نوف ونزلت الصاله .. واهي تنزل من الدرج نواف يطالعها من وق لتحت .. من جمالها



نواف : نوفه شفيج تصرخين في الحمام اكيد شفتي صرصور ..



نوف: لاشفت وجهك ..يلا قوم لانتأخر



رآحو نواف ونوف الجامعه كانو ينتظرونهم حمد وعلي



وكل واحد رجه ..



قامو يتراكضون على نوف ياخدون منها اغراضها ..



نوف تمشي وتسولف مع نواف طبعاً ماعنده صاحبات بنات لان مايحبونها ..من الغيره



الكل سلم على نوف من الشباب ويخدمونها ويلبون الي تبيه ..



وصلت نوف الكلاس عطوها اغراضها واحو على كلاساتهم ..



جلست نوف مكانها والبنات يطالعون فيها ويحشون ..



دخل الدكتور .. طبعاً نوف تدرس الاعلام ..



وتعرفو على بعض .. دخل طاب جديد الدكتور عرفهم عليه



الدكتور : ياشباب هذا جهاد طالب جديد معانا ..



جهاد حط عينه على نوف .. نوف ماهتمت فيه ..



جلس جنبها ..



جهاد : اهلين



نوف ابد مو عاطته وجه وصدفه طاح قلمها ..



جهاد : ياقمر طاح قلمك .. رفع جهد القلم وعطاه نوف



نوف: شكراً



الكل يطالع في نوف



فيه وحده ابد تحقد على نوف ماتحبها لانها تحب نواف ونواف مايحبها .. نواف صديق نوف



البنت اسمها ريهام صاحبتها فطوم ..



ريهام : شوفي فطوم حتى الطالب الجديد بتسويه رفيجها



فطوم: شعليج منها خليها ..كل واحد واصحابه



ريهام : ياربي عليج



شرح الاستاذ الدرس وطلعو



طلعت نوف وكان علي ونواف وحمد ينتظرونها ..



مشت معاهم .. اجى جهاد يكلم نوف



جهاد: لو سمحتي



ألتفت نوف عليه



نوف: نعم



جهاد : انا اسف اذا كنت ازعجتك اليوم ؟



نوف: لاعادي مازعجتني



جهاد : طيب



نوف: طيب اشوفك بكرى



مشت نوف عنه



ونواف وحمد وعلي يناظرون بعض !!!!!!



راحوووو نواف وعلي وحمد ونوف الكوفي شوب يفطرون ..



نوآف : نوفوه



نوف: ها



علي : عن الغلط اسمها نوف دلعها نوفه



حمد: له له له وش هذا نوفه اسمها نوفتي



نوف: عمىـا الا يقول مو اصحابي ازواجي



نوآف : هع الا انا رفيج صح لاني اسميج نوفوه..اسمج على اسمي



علي: انت اذا عرفت تدلع البنت تعال



حمد بضحكه ساخره : ههههههههههههههاااي ..نواف اذا تقربت منه بنت يمكن مو لله عشان تاخد منه شي



نواف: عن الغلط ياوجه الفقر



حمد: شايفني كل يوم مفلسك



نواف: لا مفلس اهلك



علي: مجانين



نوف: اقول انت وياه حدي جوعانه ممكن تطلبون



صدفه جهاد بالكافي شوب داخل وسمعها ..



رآح جهاد وطلب لها ..



جهاد: السلام



الجميع : وعليكم السلام



جهاد: نوف انا اسف اذا تدخلت بس سمتج انج جوعانه وكنت رايح اطلب لي وطلبت لج معاي



نواف يطالع جهاد بحقاره



نوف: مشكور ليش تعبت حالك كان نواف بيروح يشتري لي



جهاد: لاعادي يالغلا لو تبين كل يوم عادي



نوف: تسلم



جهاد: اوكيه اخليج



نوف: الله معك



جهاد: باي



راح جهاد



والكل يطالع في نوف.. نواف وحمد وعلي



حمد: مو كانها مسخها هالولد ؟



نواف: حده .. يبي له من يووقفه



نوف: هيييي اقول انتو الي مسختوها صايرين متحكمين



علي: مو احنا اخوانج وامج موصيتنا عليج



نوف: لاوالله ..مو لهذي الدرجه ..



علي: لاهذيك الدرجه ولا هذي .. المهم ننتبه لك



نوف راحت عنهم وخلت فطورها عندهم زعلت منهم ..



كانت تمشي بالشارع ..نواف وحمد وعلي ماراحوو وراها



كانت تمشي ووتعبت وقفت تشوف لها تاكسي ..



صدفه شافت جهاد الي تشوفه في كل مكان



جها: نوف شفيج تمشين بالشارع وين اصحابج



نوف: زعلوني وقمت عنهم



جهاد: ماعاش من يزعل القمر



نوف: تسلم من ذوقك



جهاد : تبيني اوصلج ؟



نوف: لا مايحتاج مابي اتعبك



جهاد: لا عادي مافيها تعبه



نوف: طيب



ركبت نوف السياره .. وشافها نواف



وصلت نوف البيت .. خلصت شغلها وكل شي وراحت تنام ترتاح الساعه 11 الظهر



جلست الساعه 6 المغرب على اتصال نواف لها



نوف مارفعت التلفون لانها زعلانه عليهم ..



طلعت نوف مع امها المجمع . عشان يشترون ملابس



نوف وتمشي مع امها وقفت عند محل الايس كريم



بالصدف شافت جهاد مع امه واخته الصغيره



نوف: اهلين جهاد ماشاء الله اليوم كله اشوفك لايكون تلاحقين < واهي تضحك



جهاد يضحك : لاشدعوه .. صدف حلوه لكن



جهاد: نوف هذي امي ام جهاد وهذي الاموره اختي ريمان



نوف: اهلين خاله تشرفنا



ريمان: انتي حلوه اميره



نوف: من ذوقج يالاموره



الكل يضحك



نوف: خاله هذي امي ام نوف ..



ام نوف: مرحبا ام جهاد



ام جهاد: مرحبتين



قامو يسوولفوو ام جهاد وام نوف



ام نوف: نوف انا بمشي مع خالتج ام جهاد انتي اجلسي مع جهاد



نوف: طيب يمه



ريمان: وانا بعد معاكم بجلس



جهاد: اكيد انتي معانا ..انتي تحلي الجلسه



نوف: وانا مااملي عينك ؟



جهاد : انتي القمر والعسل وكل شي



نوف نزلت راسها خجلانه



نوف: ماقدر على المجامله القويه



جهاد: من صجي اتكلم يالغلا ..



نوف وجاهد وريمان قاموو يمشون .. اشترى جهاد لنوف ايس كريمها المفضل



وقفو عند محل الورد



جهاد: نوف شوي واجيك بس لحطه



نوف: ايه تشتري ورد لحبيبه القلب



ريمان: منو هذي ؟



جهاد : لاوالله مو لها



نوف: علينا



حهاد: انتظري



رآح جهاد



بالصدفه نواف وحمد كان موجودين بالمجع كان نواف متصل على نوف عشان تروح معاهم



حمد: نواف مو هذي نوف



نوف: اهي هذي اهي منو معاها الصغيره



حمد : والله مادري ..لايكون شايفني اعرف عائلتهم كلها



اجى جهاد ..عطى نوف باقه ورد



نواف: شووووف مو هذا جهاد



حمد: ايه والله يعطي نوف باقه ورد واحمر بعد ..لايكون صار الحبيب



نواف ماقدر يمسك نفسه: حمد تعال



نواف: اهلين نوف عسى ماشر ماترفعين الجوال تعطيني مشغول



نوف: روح عني انا زعلانه عليكم



حمد: افا القموره زعلانه ليش؟



نوف: اعرفوو وش سويتو اليوم



حمد: وش سوينا



نوف: والقهر طلعت عنكم ولا احد كلف على عمره يجي وراي يقول حرام نخلي نوف



لا وتقووولون امج مووصيتنا عليج .. احمد ربي كان جهاد موجود



نواف: اهاا زين خله ينفعج ..



راح نواف مع حمد



نواف: حمد انت روح بسيارتك بروح بسيارتي راح مصدع



حمد: اوكيه اشوفك باجر في الجامعه



نواف: انت مر على نوف اخدها معاك



حمد: طيب وبمر على علي



في المجمع نواف فرحانه مع جهاد وريمان ..



الشارع ..نواف



نواف مسرع بالسياره ومعصب وفجأه دموعه نزلت بدون سبب



نواف: انا ليش انزل دموعي على منو انزلها؟



بلحظه يمسح دموعه .. صدم نواف بسياره ثانيه



كانت على نفس الطريق نوف



تشوف اسعاف وشرطه .. لمحت سياره تشبه سياره نواف



نوف: يمه السياره تشبه سياره نوف



ام نوف: محمد وقف هنا



نوف نزلت من السياره مسرعه عشان تشوف وتتأكد نواف ولا لا



شافت نواف بسياره الاسعاف ..



نوف: لاااااااااااااااااااااااااااااااااااا نوااااااااااااااااااااااااااااااااااااااااااااف



ودموعها نزلت بدون شعور ..



نوف: يمه نواااف بالسياره



راحت تركض لنواف في سياره الاسعاف



نوف: نواف رد علي .. نواف انا اسفه رد علي .. وتبكي



نواف مايحس اغمي عليه



ام نوف: نوف اجلسي معاه وانا بجيكم



نوف اتصلت على حمد وعلي



نوف وهي تبكي : حمد تعال المستفى نواف صار له حادث



حمد: نووووووف انتي متأكد



نوف: ايه متأكده



حمد وعلي مسرعين للمستشفى ..



حمد وعلي: نوووف وين نواف



نوف: بغرمه العمليات صار له جرح ببطنه وخسر دم واجد



الحين بحلل عشان اشوف فصيله دمي مثله ولا لا ..انتو بعد شووفوو



حمد وعلي: اوكيه



نوف حضنت علي وحمد واهي تبكي : انا ماكنت اقصد يارب يعيش مايصير فيه شي



حمد: خلاص نوف مو انتي السبب لاتبكي



الدكتور: لو سمحتي ممكن تتفضلي ناخد عينه من دمك



نوف دخلت واخدو دم منها ..



وحمد وعلي ..



طلعت النتيجه بعد ساعه



الدكتور : الحمدالله فصيله الدم الي حق الانسه نوف مثل فصيله دمه ..



نوف فرحت ودت ربها يارب تنجح العمليه



سوى الدكتور العمليه .. بعد اربع ساعات في غرفه العمليات



الدكتور: وين اهله



ام نواف: انا امه بشر دكتور وش صار ..



الدكتور: الحمد الله نجحت بس الحين ننتظر انه يستجيب للعمليه



نوف: واذا ماستجاب وش يصير



الدكتور: الاقدار بيد الله ..



انتظروو ساعات وساعات ..



حمد: نوف روحي البيت ارتاحي احنا راح نجلس مع نواف انتي بعد شوي عليج دوام



نوف: لا ماارح اروح راح اجلس انتظره لمن يجلس ..



ام نوف: انا بروح البيت نوف .. اذا صار اي شي اتصلي



نوف: اوكيه يمه



انتظروو .. بعد اربع ساعات



سمعت نوف النيرسات يصرخون وينادون وجيبون ادوات



ركضت نوف للغرفه ..



نوف: لااااااااااااااا نواااااااف



الدكتور: روحي هناك توقف قلب الولد ..



نوف: لاااا نواف لاتموت



حمد وعلي مو مستوعبين الي قاعد يصير



الدكتور اخدوها مناك عشان نعرف نتصرف



نوف: لا نواف لاتروح وتخليني



حمد اول مره تقول كذا اول مره يشوف نوف بهذا المنظر



علي: نوف خلاص لاتبجين نواف بيرد ماراح يموت بس انتي ادعي



ننوف: نواف وقف قلبه بسببي انا خليته يزعل ويروح



انا السبب انا السبب << قاعده تبكي



حمد: نواف خلج قويه مثل ماعرفناج لاتضعفين الحين .نواف بيقوم بالسلامه ان شاء الله



الدكتور اجى



نوف مسرعه للدكتور



نوف: هاا بشر قوووووول وش صار على نواف



الدكتور سكت شوي



الدكتور: اخ حمد اخد علي ممكن تتفضلون مكتبي



نوف: وانا ابي اعرف ووش صار



حمد: نوف انتي جلسي هني وبقول لج وش يقول لي الدكتور



نوف: لا لا لا اكيد نواف صار فيه شي



الدكتور ساكت



راح حمد وعلي معاه



نوف جالسه تبكي بشكل هستيري



ونوآف ...................................... انتظرو البارت الثاني عشان تعرفو وش صار فيه


،

،



رآيكم يهم

للمزيد من مواضيعي
الرجوع الى أعلى الصفحة اذهب الى الأسفل
ولدالشارف
عضو مشرف
avatar

عدد المساهمات : 46
نقاط : 142
السٌّمعَة : 12
تاريخ التسجيل : 13/02/2010
العمر : 24

مُساهمةموضوع: رد: قصة نوف ادخل واقرا فلن تندم   السبت أبريل 03, 2010 9:32 pm

قصة حميلة ومثيرة الى معرفة النهاية شكرا
الرجوع الى أعلى الصفحة اذهب الى الأسفل
an9g4el
عضو مميز
عضو مميز
avatar

عدد المساهمات : 76
نقاط : 138
السٌّمعَة : 10
تاريخ التسجيل : 01/04/2010
العمر : 23
الموقع : alkhoudr.com

مُساهمةموضوع: رد: قصة نوف ادخل واقرا فلن تندم   الثلاثاء أبريل 06, 2010 7:11 pm

شكرا على المرور العطر
الرجوع الى أعلى الصفحة اذهب الى الأسفل
 
قصة نوف ادخل واقرا فلن تندم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتدى الثقافة العامة :: قسم الثقافة العامة-
انتقل الى: