منتدى ثانوية بوقيرات
 
الرئيسيةاليوميةس .و .جبحـثالمجموعاتالتسجيلدخول
نحتاج مساعدتكم في الصعود بالمنتدى
mohamed_0455@hotmail.com للتواصل او لاي استفسار يرجى التواصل على البريد الالكتروني

شاطر | 
 

 نكت رائعة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
alaa
عضو مشرف


عدد المساهمات : 18
نقاط : 63
السٌّمعَة : 6
تاريخ التسجيل : 23/02/2010

مُساهمةموضوع: نكت رائعة   السبت مارس 20, 2010 7:14 pm

قالك خطرة واحد السيد جا معدي فالكارتي توشا برجلو قوطي تاع طماطم فارغ .........

خرجلو المارد السحري

المارد السحري: شبيك لبيك واش دوموندي نعطيك؟؟؟؟

السيد : اعطيني سكينة نستر فيها روحي

المارد: هيا طير من قدامي كون جات عندي سكنة أني مانيش عايش في قوطي تاع طوماطيش.



* قالك خطرة زوج فنيانين بغاو يركبو لامبا تحاسبو شكون اللي يركبها؟ أيا تفاهمو قالو أنا نركب فوق ظهرك و أنت دور بيا .


* قالك واحد عجزان (كسلان) كي بغا يتزوج باش ما يتعبش جاب وحدة بالحمل

أفاقت الزوجة من نومها مذعورة فسألها زوجها مابك فقالت له حلمت أن رجلا وسيما وغنيا قد خطفنى منك فقال لها ولماذا تبكين انه مجرد حلم فقالت له ولهاذا أنا أبكي ..
مرة راجل مشحاح جاب للعشا 2 بيضات وقال لمرتو ديرهم للعشا قالتلو OK مبعد طلع لسطح يريقلي قسعة PARABOLE دار الخيط نتاعها على رجلو طاح من السطح فوق البالكون وطبطب فالباب قال لمرتو ديري غير وحدة انا راني نتعشا فسبيطار

مرة واحد حاب يدير مشاكل في رمضان جاب لمرتو كيلو سردين وقالها ديرو للفطور . قالت هي نقلي رطل ونشوي رطل . جا الفطور قالها: وين راهو السردين ؟جابتلو المشوي قالها : هذا شويته ؟ قلتلو: علاه ؟ قالها انا حبيت ناكلو مقلي. جابتلو المقلي قالها :علاه ديرتيه قاع؟ قالتللو: وعلاه؟ قالها حبيت نربيه ...

واحد ايميقري مسلم سقسا امام قالو انا نصلي الجمعة فالدار فهل تجوز ؟ قالو الامام لا تجوز اذا كان المسجد قريب قال هذاك الاميقري بصح رانب كيلي يصلي مع الجماعة . قالو الامام كيفاه قال نحط قدامي التلفزيون ونصلي انا هنا وهما فالجزائر ؟ قالو الامام : عندك فريجيدار قالو oui قالو صبغو بالاسود وروح حج فالكوزينا ودير الطواف بكاس تاي و الصفا والمروة فالكولوار انت وقاع لافامي.

قالك في واحد الليلة قاعدين اربعة من ليجان (الشباب)يحششوا وراء باطيمة(عمارة) خلصلهم الكبريت بعثو واحدمنهم يطلب مالا راح دار على الباطيمة(العمارة)ومبعد رجعلهم وقالهم ياجماعة ماعندهمش كبريت قالو له اقعد رانا بعثنا واحد يجيب

-طفل رجع من المدرسة قال لابوه
بابا تعرف انو انا الوحيد الي رد على سؤال المعلم
قالو باباه واشي هو السؤال
قالو الطفل من الدي لم يقم بواجبه

-قالك استاد سال تلاميده الحمار يلي محلش واجبته يوقف وقف تلميد فساله معله لمادا هل لم تفتح واجباتك
قال التلميد لا بل وجدتك واقف فحشمت(خجلت) وقلت ميسحش لازم اوقف

-مره معلم سال تلميده هل التمساح يطير رد التلميد وقال نعم يطير
المعلم ومن الغبي الدي قال لك هدا
رد التلميد ابي
ساله المعلم ومادا يشتغل والدك
فال له جنرال يا استاد
قال المعلم نعم هو محق لانه احيانا يطير

-قالك مره شريط طاح من اعلى الباطيمة(العمارة) متكسرش(لم ينكسر)
لمادا لانه فيلم هندي

-مره سال طفل امه مادا يوجد في بطنك يا امي
قالت له هدا اخوك يا حبيبي
فرجع وسالها هل تحبينه
قالت له طبعا
قال لها ولمادا اكلته ادن

-

-مره وحده تمشي مع صحبها(صديقها) قالت له قلي كلمة تهزلي قلبي
قال لها اخوك وراك

-مره واحدة قاعدة مع صحبها(صديقها) على البحر قالت له مادا يف*** غروب الشمس
قال لها عودة قرانديزر(شخصية في رسوم متحركة)الى القاعدة

-مره واحد كل ما تساله صحبتو (صديقتوه) واش كليت (تناولت) يقول لها لوبيا
مره صاحبو(صديقو) قالو بدل اكدب شوية قلها سندويتش او بيتزا
ومبعد غدوة (بعد غد) عاودت سالته قالت له واش تغديت قال لها بيتزا
قالت له واش بنينة(لديدة)
قال لها و لله اكلت زوج مغارف(ملعقتين) شبعت




وهادا واحد يبيع القهوة بثلاث دنانير, وكل يوم يجيه واحد ويحطلو دينار في شرق الحانوت ودينار في غرب الحانوت ودينار في الوسط ويقولو: اعطيني قهوة. وفي نهار جاب هذا الشخص قطعة تاع خمس دنانير وقالو: اعطيتي قهوة. فرح القهواجي وقال هذي فرصتي باش نردلو ما دار فيا وراح جابلو قهوة وحطلو دينار في شرق الحانوت ودينار في غرب الحانوت وقالو: هذا الصرف. وفجأة جبد الزبون دينار وحطو في النص وقالو زيدني قهوة



مرة واحد نام متاخر..... لقى الحلم بدا
الرجوع الى أعلى الصفحة اذهب الى الأسفل
zineddine
عضو مميز
عضو مميز
avatar

عدد المساهمات : 57
نقاط : 142
السٌّمعَة : 9
تاريخ التسجيل : 20/03/2010
العمر : 28
الموقع : Bouguirat

مُساهمةموضوع: رد: نكت رائعة   الأحد مارس 21, 2010 3:32 am

صحيت
الرجوع الى أعلى الصفحة اذهب الى الأسفل
http://bouguirat.ahladalil.com
an9g4el
عضو مميز
عضو مميز
avatar

عدد المساهمات : 76
نقاط : 138
السٌّمعَة : 10
تاريخ التسجيل : 01/04/2010
العمر : 23
الموقع : alkhoudr.com

مُساهمةموضوع: رد: نكت رائعة   الخميس أبريل 01, 2010 10:52 pm

شكراااااا على النكت هههههههههه
الرجوع الى أعلى الصفحة اذهب الى الأسفل
 
نكت رائعة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: منتديات الترفيه :: قسم النكت-
انتقل الى: